Wakil Dekan III FBS
Blusukan wonten ing Gedhung PKM
Senin, 23 September 2013
Senen enjing (23/9), wonten swasana ingkang boten biasa, menawi dipuntingali
wonten ing komplek Gedhung Pusat Kegiatan Mahasiswa FBS utawa sampun kawentar
Gedhung PKM FBS. Ibu Dr. Kun Setyaning Astuti, M.Pd minangka Wakil Dekan III Fakultas
Bahasa dan Seni katingal radi sibuk bolak-balik minggah lan medhak wonten ing
Gedhung PKM FBS kanthi bekta selebaran kertas Pengumuman Beasiswa PPA lan BBM sabendhel.
Gigih sulistyono Mahasiswa Basa Daerah angkatan 2012 minangka salah
satunggaling aktivis ingkang saweg
wonten Gedhung PKM menika, radi kaget amargi boten biasanipun Ibu Kun minangka
wakil Dekan III blusukan wonten PKM saprelu nyebar selebaran kertas pangumuman. amargi menawi wonten perkawis ingkang prelu
dipunsebar dhumateng Ormawa-ormawa wonten gedhung PKM, Ibu Kun bakal ngutus
salah satunggaling karyawan saking Pusat Layanan Akademik (PLA). Wonten wayah
enjing menika Ibu Kun medhak langsung anggenipun nyebar pamflet Wara-wara saking
FBS.
Isining kertas pangumuman menika babagan perkawis kemahasiswaan,
intinipun megayutan kaliyan mahasiswa ingkang nampi beasiswa saking DiktiPPA lan BBM taun sakmenika, bilih Upload revisi Proposal kegiatan
Mahasiswa menika winates dumugi tanggal 5 Oktober
2013, menawi mahasiswa boten ng-uploadasil revisian proposal PKM,
samangke beasiswa ingkang periode salajengipun boten saged medal.
0 pangalembana:
Posting Komentar