Autobiografi: Mohamad Wahyu H

Nama kula Mohamad wahyu Hidayat asring dipunundang wahyu, sanesipun wahyu ugi kula gadhah paraban sanes kadosta gundhul, amargi nalika jaman alit rumiyin rambutipun kula asring dipuncukur gundhul dening bapak kula. Ananging paraban gundhul menika sampun boten kula mirengaken malih nalika kula wiwit mlebet SMP. Kula anak kaping satunggal saking tiga sedulur aslinipun saking kutha Cilacap salah sawijining kabupaten wonten Jawa Tengah, lairan tanggal 5 wulan Juni 1993.

Rayi kula ingkang kaping pisan estri namanipun Idarotun Inayah lajeng rayi kaping kalih namanipun Lailatul Mukarromah. Pendidikan sekolah kula pisanan wonten ing SD Negeri  4 Penggalang lulusan 2005, lajeng pendhidhikan salajengipun wonten SMP Negeri 2 Maos lulusan taun 2008, lajeng wonten SMA Negeri 1 Maos taun 2011. Alhamdulillah lulus saking SMA menika saged dipunlajengaken wonten ing salah sawijining  universitas negeri wonten kutha Yogyakarta. Jurusan Pendidikan Bahasa Daerah wonten UNY dados pilian kula nglajengaken pendhidhikan wonten perguruan tinggi.

Awit alit kula hobi sanget corat caret utawi nggambar, SMP dumugi SMA alhamdulillah saged dados juara lomba nggambar wonten kabupaten kula wonten ing cilacap, ananging sasampunipun lulus SMA hobi nggambar menika radi surut amargi pendhidhikan S1 kula sanes seni rupa. Ananging boten ateges hobi nggambar menika lajeng  mandheg, kegyatan nggambar ugi asring kula tindakaken wonten ing sela selanipun kegyatan wonten kampus.